„Hvar leikurinn er spilaður kemur mér í rauninni ekkert við“

„Ég ætla ekki að hafa neina skoðun á því. Allur minn fókus fer í leikinn sjálfan og hvar leikurinn er spilaður kemur mér í rauninni ekkert við“ sagði Sigursteinn aðspurður um leikinn sem fer fram á Ásvöllum.

Það skiptir kannski sérstaklega litlu máli þegar þið unnuð Hauka með sjö mörkum á þeirra heimavelli fyrir bara viku síðan?

„Já en það var svo sem bara einstakur leikur og hver leikur á sitt eigið líf. Við gerum okkur grein fyrir því að við þurfum bara að koma með nýja og betri frammistöðu. Ég hef ekki neina trú á öðru en að við komum með það…

…Ef menn eru ekki vel stemmdir á degi sem þessum þá veit ég ekki hvenær þeir ættu að vera vel stemmdir. Það verður stappfullt hús og allt eins og menn vilja hafa það. Við erum fullir tilhlökkunar en meðvitaður um að við þurfum að eiga mjög góðan leik.“ ´

Aron Pálmarsson er nýtekinn við störfum sem aðstoðarþjálfari FH og Sigursteinn segir samstarfið fara vel af stað.

„Við vildum fá Aron inn með alla þá þekkingu og gæði sem hann býr yfir. Hann hefur staðið sig frábærlega eins og ég vissi að hann myndi gera. Við erum alltaf að leita leiða til að bæta umhverfið í kringum okkur og ég er mjög þakklátur Aroni að taka svona vel í þetta. Ég get alveg sagt það með sanni að hann hefur verið all in“ sagði Sigursteinn um nýjan aðstoðarþjálfara sinn.