ÍR-ingar kalla á hetju bikarúrslitaleiksins fyrir þrettán árum

ÍR-ingar leituðu til þessara reynslubolta þar sem markahæsti leikmaður liðsins, Baldur Fritz Bjarnason, meiddist illa í undanúrslitaleiknum og mikil óvissa er um þátttöku hans í úrslitaleiknum.

Björgvin setti skóna upp á hilluna eftir tímabilið 2022/2023 með Stjörnunni en hefur verið framkvæmdastjóri handknattleiksdeildar ÍR síðan haustið 2013. Arnar Freyr hætti einnig eftir það tímabil en hann er aðstoðarþjálfari meistaraflokks kvenna í dag.

„Mikil óvissa ríkir um það hvort Baldur Fritz verði leikfær í bikarúrslitunum á morgun. Til að bregðast við mögulegri fjarveru hans hafa kempurnar Björgvin Hólmgeirsson og Arnar Freyr Guðmundsson samþykkt að draga fram skóna til að styðja við ungu strákana okkar og við treystum á að þið hin gerið það líka,“ segir í tilkynningu IR-inga.

ÍR-ingar eru þarna að spila sinn fyrsta bikarúrslitaleik í tólf ár og þeir hafa ekki orðið bikarmeistarar síðan árið 2013.

Haukar unnu þá 33-24 sigur á Stjörnunni í bikarúrslitaleiknum og markahæsti maður vallarins var umræddur Björgvin Hólmgeirsson með átta mörk og ekkert þeirra kom úr víti. Árið eftir tapaði ÍR á móti Haukum í bikarúrslitaleiknum.

Björgvin var einnig með þegar ÍR varð bikarmeistari árið 2005 en þá bara nýbyrjaður í meistaraflokki.