Endur­heimta Haaland fyrir Real-rimmuna

Haaland lék ekki með City í sigrinum á Newcastle United, 1-3, í ensku bikarkeppninni á laugardagskvöldið og hefur misst af tveimur af síðustu þremur leikjum Manchester-liðsins vegna meiðsla.

„Ég hugsaði ekki um að láta hann spila og vildi frekar að hann myndi æfa til að ná takti,“ sagði Guardiola á blaðamannafundi í dag og bætti við að það tæki Haaland alltaf smá tíma að koma sér aftur af stað eftir meiðsli.

Haaland er markahæsti leikmaður City á tímabilinu með 29 mörk. Sjö þeirra hafa komið í Meistaradeildinni.

City lenti í 8. sæti í deildarkeppni Meistaradeildarinnar og slapp þar af leiðandi við umspil um sæti í sextán liða úrslitum. Real Madrid sló Benfica út þar, 1-3 samanlagt.

Þetta er fimmta árið í röð sem Manchester City og Real Madrid eigast við í útsláttarkeppni Meistaradeildarinnar.

Leikur Real Madrid og Manchester City hefst klukkan 20:00 á miðvikudaginn og verður sýndur beint á Sýn Sport.