Arna í ní­tjánda sæti í seinni keppninni

Þetta var hin seinni af tveimur greinum sem Arna keppir í á mótinu, en hún skráði sig í gær á spjöld sögunnar sem fyrsti íslenska konan til að keppa á bæði Vetrar- og Sumarólympíumóti fatlaðra.

Arna varð í 19. og neðsta sæti í sprettgöngunni í gær. Fleiri voru skráðar til leiks í keppni dagsins eða alls 21 kona. Arna varð því aftur í 19. sæti en ekki neðst eins og í gær.

Hún kom í mark á tímanum 40:01.8 mínútum eða 13:30.2 mínútum á eftir Oksana Masters sem vann gullið.

Bandaríkin fengu bæði gull og brons í keppninni en hin suðurkóreska Kim Yunji varð í öðru sæti og fékk silfur.

Arna Sigríður hefur nú lokið leik á Vetrarólympíumótinu en spennandi verður að fylgjast með þessari fjölhæfu íþróttakonu í framtíðinni.