Sjáðu ó­trú­lega þrennu Valverde í fyrri hálf­leik

Real Madrid komst í 3-0 í fyrri hálfleiknum, þrátt fyrir að vera án Kylian Mbappé, og það var fyrst og fremst Valverde að þakka. Mörkin hans, sem voru hvert öðru glæsilegra, má sjá hér að neðan.

Valverde skoraði fyrsta markið á 20. mínútu eftir langa stoðsendingu frá markverðinum Thibaut Courtois. Hann komst einn í gegnum vörn City og var fljótari en Donnarumma gerði sér grein fyrir, potaði boltanum framhjá honum og skoraði í autt markið.

Valverde bætti svo við öðru marki sjö mínútum síðar, með skoti vinstra megin úr teignum eftir sendingu frá Vinicius Junior.

Þriðja markið var hins vegar það glæsilegasta en þá vippaði Valverde boltanum unaðslega yfir Marc Guehi og smellti honum svo í netið.

Það sem gerir þrennu Valverde kannski enn merkilegri en ella er að fyrir leikinn í kvöld hafði hann samtals skorað þrjú mörk í 75 leikjum í Meistaradeild Evrópu.

Hægt er að lesa meira um leik kvöldsins með því að smella hér.