Sport

Fær verð­laun sem bæði Messi og Ronaldo fengu á sínum tíma

Óskar Ófeigur Jónsson skrifar
 Johannes Hoesflot Klæbo sló metin á Vetrarólympíuleikunum 2026 fyrir flest gullverðlaun unnin á einum Vetrarólympíuleikum (6) og flest gullverðlaun á ferlinum sem nokkur íþróttamaður á Vetrarólympíuleikum hefur unnið (11). Hann er nú aðeins á eftir sundmanninum Michael Phelps á listanum yfir íþróttamenn með flest Ólympíugull í sögunni.
 Johannes Hoesflot Klæbo sló metin á Vetrarólympíuleikunum 2026 fyrir flest gullverðlaun unnin á einum Vetrarólympíuleikum (6) og flest gullverðlaun á ferlinum sem nokkur íþróttamaður á Vetrarólympíuleikum hefur unnið (11). Hann er nú aðeins á eftir sundmanninum Michael Phelps á listanum yfir íþróttamenn með flest Ólympíugull í sögunni. Getty/Lars Baron

Norski skíðagöngumaðurinn Johannes Høsflot Klæbo hlýtur í ár hin virtu goðsagnarverðlaun spænska stórblaðsins Marca. Hann fær viðurkenningu fyrir einstakan feril sinn.

Verðlaunin hafa frá stofnun þeirra árið 1997 verið veitt meðal annars Michael Jordan, Nadia Comaneci, Simone Biles, Pelé, Muhammad Ali, Rafael Nadal, Lionel Messi og Cristiano Ronaldo.

Klæbo fær heiðursviðurkenninguna í kjölfar þess að hann vann öll sex gullverðlaunin sem voru í boði á Vetrarólympíuleikunum í Cortina og Mílanó. Klæbo vann líka öll gull í boði á HM á heimavelli í Þrándheimi fyrir rúmu ári.

Marca skrifar að afrek Klæbo á Ólympíuleikunum „geri hvern aðdáanda orðlausan“ og sé eitthvað „sem gerir þennan unga mann frá Þrándheimi að yfirburðamesta íþróttamanni sem Vetrarólympíuleikarnir hafa nokkurn tíma séð, með alls ellefu gullverðlaun“.

Þá er vísað til þess að aðferð Klæbo við að takast á við brekkur hafi farið víða um heim.

Aðeins einn annar vetraríþróttamaður hefur fengið goðsagnarverðlaunin, ítalski alpakóngurinn Alberto Tomba.

Skíðaíþróttir Vetrarólympíuleikar 2026 í Mílanó og Cortina

Mest lesið


Fleiri fréttir

Sjá meira


×

Mest lesið