Sjö­tti lést af sárum sínum á sjúkra­húsi

Hin látnu voru öll starfsmenn heimilisins samkvæmt umfjöllun BBC. Fimm þeirra voru skotin til bana á heimilinu en sjötta fórnarlambið lést úr sárum sínum á sjúkrahúsi. 

Dóttir mannsins, sem er þriggja mánaða, og 34 ára gömul móðir hennar sluppu án meiðsla en foreldrarnir áttu í forræðisdeilu samkvæmt færslu í hringrás lögreglunnar í Stade á Instagram.

Þrír eru í haldi lögreglu, þar á meðal meintur árásarmaður serm er þýskur ríkisborgari en upprunalega frá Tyrklandi. Móðirin er einnig í haldi lögreglu og 65 ára gömul kona sem er tengist foreldrunum nánum böndum. Dóttirin er í umsjá barnaverndar.

Karlmaðurinn var handtekinn í bíl eftir eftirför lögreglu og skotvopn hans gert upptækt. Eldri konan á að hafa ekið flótabílnum. 

Lögreglunni barst tilkynning um skothríð rétt eftir hádegi að staðartíma. Töluverður viðbúnaður lögreglu var á staðnum.

Í frétt DW er haft eftir talsmanni lögreglunnar sem segir árásina ekki hafa verið sérstaklega beinda að konum heldur sé um „langvarandi fjölskylduharmleik“ að ræða.

Fréttin hefur verið uppfærð.