Viðskipti innlent

Daníel Þór frá Kviku til Reita

Árni Sæberg skrifar
Daníel Þór verður nýr forstöðumaður fjárfestinga, greininga og viðskiptaþróunar hjá Reitum
Daníel Þór verður nýr forstöðumaður fjárfestinga, greininga og viðskiptaþróunar hjá Reitum Reitir

Daníel Þór Magnússon tekur í haust við sem forstöðumaður fjárfestinga, greininga og viðskiptaþróunar hjá Reitum. Hann mun leiða fjölbreytt verkefni sem styðja við metnaðarfull vaxtaráform félagsins, þar á meðal fjárfestingar í innri og ytri vexti, viðskiptaþróun og greiningar á fasteignamarkaði og þróunar- og uppbyggingartækifærum.

Í fréttatilkynningu þess efnis segir að Daníel búi yfir áratugalangri reynslu á sviði eigna- og sjóðstýringar með sérþekkingu á fasteignaþróun, fasteignafjármögnun, virðismati fasteigna og félaga, ásamt umsjón fasteignaverkefna yfir allan líftíma þeirra – frá þróun lóða, uppbyggingu og til útleigu og sölu.

Daníel komi til Reita frá Kviku þar sem hann hafi starfað frá árinu 2017 sem sjóðsstjóri yfir ýmsum fasteignatengdum lána- og fagfjárfestasjóðum þar sem hann hafi haft umsjón með fasteignalánaviðskiptum frá greiningu til lánveitingar, gerð fjármálalíkana og fjárfestingartillagna.

Daníel sé viðskiptafræðingur frá Háskóla Íslands og löggiltur verðbréfamiðlari.

„Við bjóðum Daníel hjartanlega velkominn í öflugt teymi Reita. Viðamikil þekking hans á sviði fjárfestinga og sjóðsstýringar í fasteignageiranum, bæði í íbúðar- og atvinnuhúsnæði og þróunarlóðum, kemur til með styrkja okkur enn frekar í áframhaldandi sókn og umbreytingu Reita úr hefðbundnu fasteignafélagi í þekkingar- og þróunarfélag sem er leiðandi í atvinnuhúsnæði og þróun,“ er haft eftir Guðna Aðalsteinssyni, forstjóra Reita.

Reitir fasteignafélag Kvika banki Vistaskipti


Mest lesið


Fleiri fréttir

Sjá meira


×

Mest lesið