Kyssti konuna áður en hann kom fyrstur í mark á nýju meti

OstseeMan-þríþrautin er hefðbundinn járnkarl þar sem keppendur synda 3,8 kílómetra, hjóla 180 kílómetra og hlaupa loks 42,2 kílómetra maraþonhlaup.

Schnödewind kom í mark á átta klukkutímum, fimm mínútum og 21 sekúndu. Hann hefði reyndar getað verið aðeins fljótari í markið.

Schnödewind var á frábærum tíma þegar hann hljóp í markið og langt á undan næsta keppanda. Hann gaf sér því tíma til að smella kossi á konuna áður en hann hljóp yfir marklínuna.

Þetta má sjá hér fyrir neðan en hann fagnaði líka gríðarlega þegar hann var kominn í mark enda frábær tími og frábær sigur hjá þessum þrítuga kappa.

„Þetta er stærsti sigur sem ég hef unnið hingað til,“ sagði Schnödewind í viðtali við NDR Schleswig-Holstein eftir keppnina.

Sigur Schnödewinds virtist þó vera í smá hættu skömmu fyrir lok keppninnar því sigurvegari síðasta árs, Florian Harbig, hafði minnkaði forskot hans úr sex mínútum niður í 30 sekúndur.

„Þá var ég kominn með tárin í augun, ég hélt að þetta væri búið spil hjá mér,“ sagði Schnödewind. En svo var ekki því Harbig var sprunginn og þjáðist líka af vöðvakrömpum. Schnödewind kom að lokum í mark með rúmlega sex mínútna forskot og hafði því tíma til að fagna eftirminnilega með konu sinni.