Glasner tekur sinn besta mann til Forest

Forest borgar Palace 22 milljónir punda fyrir bakvörðinn og hann skrifar undir fjögurra ára samning við félagið. Hann endurnýjar kynnin við Oliver Glasner sem hætti sem þjálfari Palace í vor og tók við Forest í sumar.

Daniel Muñoz var á meðal betri leikmanna Palace á síðustu leiktíð og hefur verið lykilmaður á miklu blómaskeiði þess þar sem Palace vann FA-bikarinn í hitteðfyrra og þá bæði Sambandsdeildina og Samfélagsskjöldinn á síðustu leiktíð.

Hann hefur spilað 88 leiki í ensku úrvalsdeildinni fyrir Palace og skorað í þeim átta mörk. Hann lék áður með Aguilas Doradas og Atlético Nacional í heimalandinu og Genk í Belgíu.