Rússar svara fyrir sig

Í síðustu viku opinberuðu ráðamenn í Þýskalandi að rannsókn hefði leitt í ljós að rússneskir útsendarar hefðu reynt sjálfsprengidrónaárás á flugvellinum í Leipzig í ágúst. Var Rússum í kjölfarið gert að loka ræðismannsskrifstofu í Bonn og rússnesku menningarsetri í Berlín.

Sjá einnig: Vita hverjir drónamennirnir í Leipzig eru

Í yfirlýsingu frá rússneska utanríkisráðuneytinu segir að þetta sé til komið vegna „óvinveittra“ aðgerða Þjóðverja.

Þá segir að starfsmenn ræðismannsskrifstofunnar verði að vera farnir frá Rússlandi fyrir 18. september. Áður var búið að gefa út að menningarsetrunum yrði lokað en starfsmenn þeirra verða að yfirgefa Rússland fyrir næsta sunnudag.

Í yfirlýsingunni segir einnig að það séu Þjóðverjar sem beri ábyrgð á versnandi samskiptum ríkjanna.

Rússar hafa verið sakaðir um að bera ábyrgð á fjölda fjölþáttaógna og árása í Evrópu á undanförnum mánuðum og árum.

Margir leiðtogar í Evrópu vöruðu nýverið við því að hegðun Rússa yrði sífellt glannalegri. Bregðast yrði við þessu „nýja ástandi“.