Fótbolti

Allt það helsta sem gerist í fótbolta um víða veröld.

Þjálfari Ástrala þakkar samfélagsmiðlabanni góðan árangur

Graham Arnold er búinn að stýra Áströlum í 16-liða úrslit heimsmeistarakeppninnar í Katar eftir góðan sigur á Dönum í dag. Hann þakkar samfélagsmiðlabanni leikmanna því að liðið er komið svona langt í keppninni.

Fótbolti 30. nóvember 2022 23:00

Ben White yfirgefur enska hópinn

Ben White, leikmaður Arsenal og enska landsliðið, hefur yfirgefið enska landsliðshópinn í Katar og haldið heim til Englands. Ástæður brottfararinnar eru persónulegar ástæður og biður enska knattspyrnusambandið um að einkalíf leikmannsins sé virt.

Fótbolti 30. nóvember 2022 22:16

Mexíkó féll úr keppni á minnsta mun

Mexíkó vann 2-1 sigur á Sádi Arabíu á heimsmeistaramótinu í Katar í kvöld. Sigurinn var þó súrsætur því Mexíkó hefði þurft eitt mark í viðbót til að hirða annað sætið af Pólverjum og tryggja sér þar með sæti í 16-liða úrslitum keppninnar.

Fótbolti 30. nóvember 2022 21:15

Argentína tók efsta sætið og Pólland fór líka áfram eftir ótrúlega dramatík

Argentína tryggði sér efsta sætið í C-riðli og um leið sæti í 16-liða úrslitum heimsmeistarkeppninnar með 2-0 sigri á Póllandi í kvöld. Pólverjar fara einnig áfram eftir mikla dramatík í hinum leik riðilsins.

Fótbolti 30. nóvember 2022 21:00

Hraunað yfir danska liðið í fjölmiðlum eftir klúðrið í Katar

Danskir fjölmiðlar slá ekkert af í gagnrýni sinni á danska knattspyrnulandsliðið en liðið féll úr leik á heimsmeistaramótinu í Katar eftir tap gegn Ástralíu í dag.

Fótbolti 30. nóvember 2022 19:00

Ástralir vilja frí fyrir landsmenn á morgun eftir að hafa tryggt sér sigur um miðja nótt

Ástralir tryggðu sér fyrr í dag sæti í 16-liða úrslitum heimsmeistaramótsins í Katar með 1-0 sigri á Dönum í lokaleik riðlakeppninnar. Leiknum lauk um miðja nótt að áströlskum tíma en stuðningsmenn liðsins heima fyrir létu það ekki stoppa sig í fagnaðarlátunum.

Fótbolti 30. nóvember 2022 18:01

Túnisbúar vinna heimsmeistara Frakka en eru samt á heimleið

Túnis vann hetjulega baráttusigur á gömlu herraþjóðinni þegar þeir unnu heimsmeistara Frakka sanngjarnt 1-0 í lokaumferð riðilsins á HM í Katar.

Fótbolti 30. nóvember 2022 17:03

Ástralar sendu Dani heim og jöfnuðu sinn besta árangur

Ástralía tryggði sér í dag sæti í 16-liða úrslitum HM karla í fótbolta í annað sinn í sögunni með því að vinna Danmörku, 1-0.

Fótbolti 30. nóvember 2022 16:54

Pelé á sjúkrahús en dóttirin biður fólk að örvænta ekki

Brasilíska knattspyrnugoðsögnin Pelé, sem glímir við krabbamein, var fluttur á sjúkrahús í dag en dóttir hans segir fréttaflutning ýktan og að ekki sé um neyðarástand að ræða.

Fótbolti 30. nóvember 2022 16:03

Tileinkaði nýlátnum vini mörkin tvö gegn Wales

Marcus Rashford tileinkaði mörkin tvö sem hann skoraði fyrir enska landsliðið gegn því velska nýlátnum vini sínum. England vann leikinn, 3-0, og tryggði sér þar með sigur í B-riðli.

Fótbolti 30. nóvember 2022 15:01

„Ég skil stoltur við félagið“

„Það er bara kominn tími á breytingar, hjá báðum aðilum held ég. Þetta var komið gott,“ segir Geir Þorsteinsson um viðskilnaðinn við Knattspyrnufélag ÍA þar sem hann hefur verið framkvæmdastjóri í tæp tvö ár. Þessi fyrrverandi formaður KSÍ til fjölda ár ætla sér að starfa áfram innan fótboltans.

Fótbolti 30. nóvember 2022 14:15

Vanda þrýsti á UEFA sem stofnar vinnuhóp

Vanda Sigurgeirsdóttir, formaður Knattspyrnusambands Íslands, nýtti tækifæri á fundi formanna og framkvæmdastjóra knattspyrnusambanda Evrópu í október til að kalla eftir jafnari þátttöku kynja í nefndum og stjórn UEFA.

Fótbolti 30. nóvember 2022 14:01

Líkti Lionel Messi við skíðagoðsögn

Pólverjar mæta Argentínu í kvöld í lokaleik riðilsins á heimsmeistaramótinu í Katar en bæði lið eru í baráttunni um sæti í sextán liða úrslitunum.

Fótbolti 30. nóvember 2022 13:00

Ole Martin segir að hann muni þjálfa KR en að Rúnar ráði ef þeir eru ósammála

Rúnar Kristinsson virðist vera orðinn eins konar knattspyrnustjóri hjá karlaliði KR en þjálfun liðsins verði hér eftir í höndum Norðmannsins Ole Martin Nesselquist.

Fótbolti 30. nóvember 2022 12:31

Courtois hótar meintum svikara í belgíska liðinu

Dramað í kringum belgíska fótboltalandsliðið heldur áfram og markvörðurinn Thibaut Courtois hefur hótað meintum svikara í herbúðum þess.

Fótbolti 30. nóvember 2022 12:00

Sá danski komst aftur í hann krappan í Katar | Ráðist á íranska mótmælendur

Danski fréttamaðurinn Rasmus Tantholdt sem var stöðvaður af katörskum öryggisvörðum í beinni útsendingu TV2 fyrr í mánuðinum lenti aftur í vandræðum þar ytra. Hann var skikkaður í varðhald og skipað að eyða myndefni af írönsku stuðningsfólki sem hafði orðið fyrir árás landa sinna sem er hliðhollt þarlendum stjórnvöldum.

Fótbolti 30. nóvember 2022 11:31

Erfiðast fyrir leikmenn að fara leikbann á Íslandi vegna gulra spjalda

Gulu spjöldin og refsingar vegna þeirra voru til umræðu á Formanna- og framkvæmdastjórarfundi Knattspyrnusambands Íslands.

Fótbolti 30. nóvember 2022 11:01

Fundu hvar FIFA „geymir“ farandverkamennina sem mega ekki sjást á HM

Blaðamenn hjá hinu sænska Aftonbladet höfðu upp á verkamönnunum sem mega ekki sjást á meðan heimsmeistaramótinu í Katar stendur.

Fótbolti 30. nóvember 2022 10:30

Ronaldo nálægt því að samþykkja stjörnugalið samningstilboð Sádanna

Cristiano Ronaldo er nálægt því að gera risasamning við Al Nassr í Sádí-Arabíu. Hann er án félags eftir að hann yfirgaf Manchester United í síðustu viku.

Fótbolti 30. nóvember 2022 09:32

„Er bara 27 ára gamall og hungraður í að sýna öllum hér heima hvað ég get“

Adam Örn Arnarson spilaði í Bestu deild karla í sumar eftir að hafa spilað til fjölda ára sem atvinnumaður. Hann er án félags í dag en stefnir á að láta að sér kveða í sumar og sýna fólki hér á landi að hann sé enn sami leikmaður og spilaði við góðan orðstír í atvinnumennsku í öll þessi ár.

Íslenski boltinn 30. nóvember 2022 09:00

Fór illa með stelpurnar okkar en fær nú að skrifa söguna á HM karla í Katar

Við Íslendingar erum kannski ekki enn búin að fyrirgefa slaka frammistöðu dómarans Stéphanie Frappart í umspilsleiknum á móti Portúgal á dögunum en á morgun skrifar hún nýjan kafla í sögu heimsmeistaramóts karla.

Fótbolti 30. nóvember 2022 08:31

Hrósar Pulisic fyrir að fórna eistunum fyrir sigurmarkið

Ein stærsta stjarna NFL-deildarinnar hrósaði Christian Pulisic fyrir fórnfýsi þegar hann skoraði sigurmark Bandaríkjanna gegn Íran í lokaumferð riðlakeppninnar á HM í fótbolta í Katar.

Fótbolti 30. nóvember 2022 08:00

Meinaður aðgangur og neyddur til að afklæðast fyrir að bera regnbogalitina

Stuðningsmaður enska landsliðsins í knattspyrnu segir að hann neyddur til að afklæðast í lokuðu herbergi á meðan öryggisverðir leituðu á honum og að sér hafi verið meinaður aðgangur að leik Hollands og Katar og fyrir það að klæðast regnbogalitunum á leið sinni inn á leikvanginn á HM í Katar í gær.

Fótbolti 30. nóvember 2022 07:00

Segir að loftræstingin á leikvöngunum sé að gera leikmenn veika

Brasilíski knattspyrnumaðurinn Antony, leikmaður Manchester United og brasilíska landsliðsins, segir að loftræstingin á leikvöngunum á HM í Katar hafi valdið því að hann, og aðrir leikmenn brasilíska liðsins, hafi orðið veikir á síðustu dögum.

Fótbolti 29. nóvember 2022 22:00

Pulisic skaut Bandaríkjamönnum í 16-liða úrslit

Christian Pulisic skoraði eina mark leiksins er Bandaríkjamenn unnu 1-0 sigur gegn Íran í lokaumferð B-riðils á heimsmeistaramótinu í Katar í kvöld. Sigurinn þýðir að Bandaríkjamenn eru á leið í 16-liða úrslit á kostnað Írana.

Fótbolti 29. nóvember 2022 21:02

England tryggði sér efsta sætið með öruggum sigri í grannaslagnum

England tryggði sér efsta sæti B-riðils á heimsmeistaramótinu í Katar er liðið vann öruggan 3-0 sigur gegn nágrönnum sínum í Wales í kvöld. Ekki nóg með það að hafa gulltryggt sæti sitt í 16-liða úrslitum tókst Englendingum einnig að slá Walesverja úr leik.

Fótbolti 29. nóvember 2022 20:55

Framarar sækja liðsstyrk til Grindavíkur

Framarar hafa samið við knattspyrnumanninn Aron Jóhannsson um að leika með liðinu í Bestu-deild karla næstu tvö árin.

Fótbolti 29. nóvember 2022 20:01

Tæknin sannar að Ronaldo snerti aldrei boltann

Portúgalska stórstjarnan Cristiano Ronaldo fagnaði ógurlega er liðið tók 1-0 forystu gegn Úrúgvæ í leik liðanna á HM í gær. Ronaldo fullyrti að hann hafi snert boltann á leið sinni í netið eftir fyrirgjöf frá Bruno Fernandes, en tæknin hefur nú sannað að svo var ekki og það var því Bruno sem skoraði markið.

Fótbolti 29. nóvember 2022 17:45