Essien neitar að spila fyrir Lyon

Farsinn í kringum Mickael Essien og deilu hans við lið sitt Lyon heldur áfram og nú hefur hann tilkynnt forráðamönnum félagsins að hann muni ekki spila fyrir liðið á meðan þeir neiti honum um sölu til Chelsea. Essien, sem langar ekkert meira en að ganga til liðs við Eið Smára og félaga, sagðist í gær ekki skilja af hverju forkálfar Lyon haga sér eins og þeir gera og að honum finnist félagið hafa brugðist sér. "Frá og með morgundeginum mun ég aðeins æfa með unglingaliðinu og ég mun ekkert spila með aðalliðinu. Þetta er örþrifaráð hjá mér," segir Essien. Forráðamenn Lyon hafa ekkert tjáð sig um þetta nýjasta uppátæki Essien.