Hollenskir bjórframleiðendur sektaðir

Framkvæmdastjórn Evrópusambandsins hefur dæmt hollensku bjórframleiðendurna Heineken, Grolsch og Bavaria til að greiða um 273,7 milljónir evra, jafnvirði rúmra 24 milljarða íslenskra króna, í sektir vegna ólögmæts verðsamráðs fyrirtækjanna og aðrar samkeppnishamlandi aðgerðir.

Framkvæmdastjórnin hefur haft hollensku bjórframleiðendurna undir smásjánni í áraraðir eða allt frá því seint á tíunda áratug síðustu aldar þegar rannsókn var sett í gang á sölu á miðinum gyllta frá fyrirtækjunum til kráa og veitingastaða.

Heineken fékk langhæstu sektina en fyrirtækið þarf að greiða 219 milljónir evra, jafnvirði 19,4 milljarða íslenskra króna, að sögn BBC.