Viðskipti erlent

Verðlækkanir á hrásykri framundan, sykurbólunni lokið

Verðlækkanir á hrásykri eru framundan og telja sérfræðingar að sykurbólunni sem verið hefur á markaðinum allt síðasta ár sé lokið. Verð á hrásykri náði rúmum 30 sentum á pundið í síðasta mánuði og var það hæsta verð sem fengist hefur síðan í janúar 1981 eða fyrir 29 árum.

Í frétt um málið á Bloomberg fréttaveitunni segir að það sé einkum stóraukin framleiðsla á hrásykri í Brasilíu sam valdi verðlækkunum. Verðið er þegar farið að gefa eftir og hrásykur til afhendingar í mars er komin niður í 29,3 sent á pundið.

Christoph Berg forstjóri rannsóknarfyrirtækisins F.O. Licht segir að grunnurinn að endalokum sykurbólunnar hafi verið lagður. „Verðin munu fara lækkandi út árið 2010," segir Berg.

Verð á hvítum sykri mun hinsvegar hækka áfram, og fara í kringum 800 dollara fyrir tonnið. Það skýrist einkum af mikilli eftirspurn eftir þeirri vöru í Indlandi og Pakistan. Sem stendur er verðið fyrir hvítan sykur um 740 dollarar á tonnið.

Hvað hrásykurinn varðar gera áætlanir ráð fyrir að Brasilía muni auk framleiðslu sína í 50 milljónir tonna árin 2010 og 2011. Í fyrra nam framleiðslan 35 milljónum tonna.





Mest lesið


Fleiri fréttir

Sjá meira


×

Mest lesið