Alex Ferguson: Þetta var mikilvægur sigur fyrir stuðningsmennina

Alex Ferguson, stjóri Manchester United, var nokkuð sáttur með sína menn þrátt fyrir nauman 1-0 sigur á tyrkneska liðinu Bursaspor á Old Trafford í Meistaradeildinni í kvöld.

„Við hefðum getað pressað þá meira en við spiluðum af krafti og stjórnuðum leiknum. Leikmennirnir unnu vel en við hefðum getað gert betur í síðasta þriðjunginum. Mér fannst þeir aldrei ógna okkur," sagði Alex Ferguson.

„Þetta var mjög mikilvægur sigur fyrir stuðningsmennina. Þeir stóðu sig vel í kvöld og studdu á bak við liðið. Það var góð samheldni í liðinu," sagði Ferguson.