Aðeins einn Íslendingur fagnaði í Krikanum í kvöld - myndir

FH-ingum tókst ekki að nýta sér góð úrslit úr fyrri leik sínum á móti sænska liðinu AIK og eru úr leik í Evrópudeildinni eftir 0-1 tap á móti sænska liðinu á Kaplakrikavelli í kvöld. FH náði 1-1 jafntefli í Svíþjóð og nægði því markalaust jafntefli.

Helgi Valur Daníelsson og félagar í AIK eru þar með komnir áfram í 3. umferð keppninnar en það var klaufamark fimm mínútum fyrir hálfleik sem réði úrslitunum í einvíginu.

Daníel Rúnarsson, ljósmyndari Fréttablaðsins og Vísis, var á leik FH og AIK á Kaplakrikavellinum í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.