Setti 29 metra pútt og vann bíl

Patrick Burch, 28 ára karlmaður datt heldur betur í lukkupottinn þegar hann mætti á körfuboltaleik Auburn háskólans gegn Mississippi State í vikunni.

Burch var dreginn út í happdrætti og fékk fyrir vikið að taka tæplega 29 metra pútt eða því sem jafngildir einum körfuboltavelli. Þetta var í fyrsta sinn sem Burch fór á körfuboltaleik og var því heppnin með honum. Áralöng hefð hefur verið fyrir því að aðdáendur fái að reyna púttið í hálfleik.

Í vinning var nýr Toyota bíll eða 15.000$ dollarar upp í nýjan Toyota bíl og var Burch hæstánægður með vinninginn. Í viðtölum eftir á sagðist hann ekki spila golf og væri ekkert sérstakur í minigolfi.