Benítez: Bale og Benzema verða áfram hjá Real Madrid

Rafa Benítez, knattspyrnustjóri Real Madrid, gerir ráð fyrir því að Gareth Bale og Karim Benzema verði áfram hjá félaginu.

Þeir félagar hafa verið sterklega orðaðir við lið í ensku úrvalsdeildinni í sumar; Bale við Manchester United og Benzema við Arsenal.



Sjá einnig: Benítez ánægður með varnarleikinn á undirbúningstímabilinu

„Ég tjái mig ekki um orðróma,“ sagði Benítez á blaðamannafundi fyrir leik Real Madrid og Tottenham á morgun.

„Það er allt í góðu og ég er viss um að Bale muni eiga gott tímabil í ár. Hann er mikilvægur leikmaður fyrir okkur og ég veit að hann er ánægður.

„Ég held sömuleiðis að Benzema verði um kyrrt. Ég er mjög ánægður með hann,“ sagði Spánverjinn sem neitaði jafnframt að tjá sig um möguleg vistaskipti Davids de Gea, markvarðar Manchester United, til Real Madrid.