Messi hjá Barcelona til 2021

Hinn nýgifti Lionel Messi hefur gert nýjan fjögurra ára samning við Barcelona.

Nýi samningurinn færir Messi 500.000 pund í vikulaun. Í samningnum er ákvæði um riftunarverð upp á litlar 264 milljónir punda.

Messi er nú í fríi eftir að hafa gift sig með pompi og prakt á föstudaginn var.

Messi hefur verið hjá Barcelona síðan hann var 13 ára gamall. Argentínumaðurinn hefur unnið allt sem hægt er að vinna með Katalóníuliðinu og er markahæsti leikmaður í sögu þess með 507 mörk.

Barcelona vann spænska konungsbikarinn á síðasta tímabili en endaði í 2. sæti spænsku úrvalsdeildarinnar.

BREAKING
Leo Messi will remain at @FCBarcelona until 2021.#Messi2021 pic.twitter.com/Ee0KZIse59

— FC Barcelona (@FCBarcelona) July 5, 2017