Tobias Thomsen með tvö í sigri Vals | Fylkir vann

Fylkir bar sigurorð á Þór í riðli fjögur í A-deild í Lengjubikarnum í dag á meðan Íslandsmeistarar Vals fóru létt með Fram í riðli eitt.

Oddur Ingi Guðmundsson skoraði fyrra mark Fylkis á 22. mínútu en Hákon Ingi Jónsson skoraði seinna markið af vítapunktinum á 50. mínútu.

Íslandsmeistarar Vals áttu ekki í vandræðum með Fram en leiknum lauk með 4-0 sigri Vals. Fyrsta mark Íslandsmeistarana kom strax á 12. mínútu áður en Patrick Pedersen tvöfaldaði forystu Vals á 29. mínútu.

Tobias Thomsen átti frábæran leik í liði Vals í kvöld en hann skoraði þriðja mark Vals á36. mínútu og var staðan 3-0 í hálfleik.

Tobias bætti síðan við sínu öðru marki á 87. mínútu og fjórða marki Vals og þar við sat.

Eftir leikinn er Valur á toppnum með níu stig á meðan Fram er án stiga í neðsta sætinu.