Real Madrid búið að selja Cristiano Ronaldo til Juventus

Cristiano Ronaldo hefur spilað sinn síðasta leik fyrir Real Madrid samkvæmt heimildum Sky Sports.

Sky Sports hefur heimildir fyrir því að Real Madrid hafi samþykkt að selja markahæsta leikmann félagsins frá upphafi til Ítalíu.

Juventus mun borga Real Madrid í kringum 105 milljónir punda samkvæmt heimildum Sky. Það má búast við staðfestingu frá félögum um söluna strax í kvöld.

BREAKING: Juventus and Real Madrid agree a deal worth in the region of £105m for Cristiano Ronaldo and deal could be announced today, according to Sky Sources

Follow: https://t.co/QUxcQWftkTpic.twitter.com/giwadTQPPO

— Sky Sports World Cup (@SkyFootball) July 10, 2018

 

Cristiano Ronaldo er orðinn 33 ára gamall og það er mögnuð staðreynd að Juventus sé tilbúið að eyða svona miklum peningi í leikmanninn.

Cristiano Ronaldo er líka dýrari nú en þegar Real Madrid keyptti hann á 80 milljónir punda frá Manchester United árið 2009.

Cristiano Ronaldo var í níu ár hjá Real Madrid en hafði verið á undan í sex ár hjá Manchester United.

Með Real Madrid þá vann hann Meistaradeildina fjórum sinnum, spænsku deildina tvisvar, spænska bikarinn tvisvar og þrisvar sinnum heimsmeistarakeppni félagslið.

Juventus hefur unnið ítölsku deildina sjö ár í röð en hefur ekki náð að vinna Meistaradeildina í 22 ár eða síðan 1996. Kaupin á fimmföldum Meistaradeildarmeistara hefur mikið með það að gera.

Evrópsku miðlarnir skrifa um að Cristiano Ronaldo hafi vilja fá nýja áskorun og þess vegna hafi hann viljað yfirgefa Madrid.