Rashford: Martial var frábær

Marcus Rashford hrósaði Anthony Martial, félaga sínum í framlínu Manchester United, í hástert eftir sigur United á Burnley í kvöld.

Rashford skoraði seinna mark United í 2-0 sigrinum en Martial gerði það fyrra.

„Hann var frábær aftur í dag,“ sagði Rashford um Frakkann.

„Fyrir framherja er ekkert betra en að skora mörk. Vonandi heldur þetta sjálfstraustinu uppi hjá honum.“

Rashford sagði United hafa getað gert betur, en sigurinn kom liðinu upp í fimmta sæti úrvalsdeildarinnar.

„Við hefðum getað verið kaldari fyrir framan markið hjá þeim.“

„En miðverðirnir þeirra voru alltaf að skalla alla bolta frá og gerðu þetta erfitt fyrir okkur.“