Dagskráin í dag: Garnirnar raktar úr Arnari Gunnlaugs, leið Selfoss að fyrsta titlinum og úrslitaleikur Keflavíkur og Snæfells

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Öll helstu mál dagsins verða tekin fyrir í beinni útsendingu í Sportinu í dag, og Arnar Gunnlaugsson, þjálfari bikarmeistara Víkings í fótbolta, mætir svo í viðtal við Rikka G í Sportinu í kvöld.

Eftir Sportið í kvöld verður sýnd stytt útgáf af skemmtilegum leik Stjörnunnar og Víkings frá sumrinu 2018, í úrvalsdeild karla í fótbolta. Því næst verður sýndur eftirminnilegur leikur Keflavíkur og Snæfells í úrslitum úrvalsdeildar karla í körfubolta árið 2008.

Stöð 2 Sport 2

Á Stöð 2 Sport 2 verður hægt að horfa á leikina sem Selfoss lék í úrslitakeppninni á leið sinni að sínum fyrsta Íslandsmeistaratitli í handbolta karla á síðasta ári. Þar verður einnig sýnd heimildarmynd um Alfreð Gíslason og fleira efni.

Stöð 2 Sport 3

Sígildir fótboltaleikir verða alls ráðandi á Stöð 2 Sport 3. Þar verður hægt að sjá styttar útgáfur af leikjum úr enska bikarnum í gegnum árin, frábæra leiki úr efstu deild karla í fótbolta og svo fjóra úrslitaleiki úr Meistaradeild Evrópu.

Stöð 2 eSport

Á Stöð 2 eSport verða útsendingar frá leikjum í League of Legends og Counter-Strike í Vodafone-deildinni á þessari leiktíð.

Stöð 2 Golf

Á Stöð 2 Golf verður hægt að horfa á útsendingar frá lokadegi The Players árin 2017, 2018 og 2019, auk þáttarins The 9.

Allar útsendingar dagsins má finna á heimasíðu Stöðvar 2.