Stefán Teitur kallaður inn í A-lands­liðið

Skagamaðurinn, Stefán Teitur Þórðarson, hefur verið kallaður inn í A-landslið karla fyrir verkefni sem bíður landsliðsins síðar í mánuðinum.

Stefán Teitur kemur í stað Emils Hallfreðssonar sem dró sig út úr verkefninu eftir að hann samdi við Padova í ítölsku C-deildinni.

Stefán var lykilmaður í liði ÍA á síðustu leiktíð. Hann spilaði 20 leiki liðsins í Pepsi Max-deildinni og skoraði í þeim eitt mark.

Stefán Teitur Þórðarson hefur verið bætt við hóp A landsliðs karla sem mætir El Salvador og Kanada í janúar.

Hann kemur inn í hópinn í stað Emils Hallfreðssonar sem getur ekki tekið þátt í verkefninu.#fyririslandhttps://t.co/diuRinBT1F

— Knattspyrnusambandið (@footballiceland) January 8, 2020

Hann á að baki tólf leiki fyrir U21-árs landsliðið og hefur skorað í þeim eitt mark.

Ísland mætir El Salvador og Kanada í Bandaríkjunum í janúar.