Á dagskrá í dag: Kraftaverkið í Istanbúl og undankeppni EM í e-fótbolta

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Alla virka daga eru tveir nýir þættir á dagskrá Stöðvar 2 Sport. Annars vegar Sportið í dag, í umsjón Henrys Birgis Gunnarssonar og Kjartans Atla Kjartanssonar, sem er í beinni útsendingu alla virka daga klukkan 15.00, og hins vegar Sportið í kvöld sem Guðmundur Benediktsson og Ríkharð Óskar Guðnason sjá um.

Seinni bylgjan er á dagskrá á mánudagskvöldum og Domino's Körfuboltakvöld á föstudögum en þess á milli verða sýndir nýir þættir, Sportið í kvöld, öll þriðjudags-, miðvikudags- og fimmtudagskvöld. Allir þessir þættir eru sýndir klukkan 20.00.

Stöð 2 Sport er þar að auki dagskrársett með endursýningum af mörgum af bestu leikjum tímabilsins í þeim deildum sem eru sýndar, sem og öðrum frægum leikjum úr safni stöðvarinnar.

Auk Sportsins í dag og Seinni bylgjunnar verður hægt að sjá ýmislegt á Stöð 2 Sport í dag. Þar verða til að mynda úrslitaleikir Evrópudeildar og enska deildabikarsins, spurningaþættirnir skemmtilegu Manstu með Gumma Ben, og sögufrægur úrslitaleikur AC Milan og Liverpool í Meistaradeild Evrópu árið 2005; Kraftaverkið í Istanbúl.

Stöð 2 Sport 2 – Manstu eftir stórveldunum í Englandi?

Dagurinn á Stöð 2 Sport 2 hefst á því að sýna spurningaþættina Manstu, með Gumma Ben, þar sem vinsælustu félögin í enska boltanum eru í sviðsljósinu. Þar verður einnig hægt að rifja upp rimmu Hauka og Keflavíkur í 8-liða úrslitum Dominos-deildar karla í körfubolta 2018. Um kvöldið er svo á dagskrá heimildamynd um Alfreð Gíslason, annáll um handboltaárið 2019 og leikur Tottenham og Liverpool í undanúrslitum Meistaradeildar Evrópu.

Stöð 2 Sport 3 – Bikarúrslitaleikir í fótbolta

Á Stöð 2 Sport 3 verða sýndir gamlir úrslitaleikir í bikarkeppnum karla og kvenna í fótbolta, frá morgni og fram yfir miðnætti.

Stöð 2 Sport 4 – Landsleikir í beinni í e-fótbolta

Það verða beinar útsendingar á Stöð 2 Sport 4 í dag þegar íslenska landsliðið í e-fótbolta keppir í Pro Evolution Soccer, í undankeppni EM. Fyrsti leikur er gegn Rússlandi kl. 16 og eru leikirnir fjórir talsins. Einnig verða sýndar útsendingar frá úrslitaleikjum í Counter-Strike og League of Legends í íslensku deildinni.

Stöð 2 Golf – Þættir um The Open og hápunktar úr PGA

Golfunnendur geta horft á þætti um The Open frá síðustu fimm árum og séð helstu tilþrifin á þessu sögufræga móti. Þar verða einnig hápunktar úr PGA-mótaröðinni í fyrra og í vetur.

Allar upplýsingar um dagskrá Stöðvar 2 Sports má finna á stod2.is.