Perry Mclachlan og Jón Stefán taka við Þór/KA

Frá þessu er greint á heimasíðu félagsins, en þar kemur einnig fram að þeir muni hafa yfirumsjón með þjálfun og vera í nánu samstarfi við þau sem ráðin verða í störf þjálfara annarra liða sem leika munu undir merkjum Þórs/KA.

Mclachlan og Jón Stefán taka við af Andra Hjörvari Albertssyni, en félagið nýtti sér uppsagnarákvæði í samningi hans á dögunum. Þór/KA hafnaði í sjötta sæti Pepsi Max deildar kvenna í sumar.

Jón Stefán hefur starfað við þjálfun frá árinu 2004, en hann var aðstoðarþjálfari karlaliðs Þórs á nýafstöðnu tímabili.

Mclachlan var saðstoðarþjálfari Gregg Ryder hjá karlaliði Þórs þegar hann kom til landsins árið 2019. Einnig hefur hann verið aðstoðarþjálfari kvennaliðs Þórs/KA seinustu tvö ár.