Kolbeinn Sigþórsson íhugar að hætta í fótbolta

„Hann átti erfitt síðasta haust, íslenska landsliðið var hvatning hans fyrir því að spila áfram með félagsliði. Þannig hann er ekki alveg viss hvað hann á að gera með framtíðina sína, hvort hann ætti að spila áfram eða finna sér vinnu við eitthvað annað,“ sagði umboðsmaðurinn við sænska fjölmiðilinn Fotbollskanalen. 

Kolbeinn lék síðast með IFK Gautaborg og spilaði 17 leiki fyrir félagið. Kolbeinn hefur ekki spilað fótbolta síðan í ágúst eftir að hann var ásakaður um ofbeldisbrot.

„Hann hefur misst metnaðinn fyrir fótboltanum. Kolbeinn hefur fengið tilboð frá sænskum félagsliðum og frá félögum út í heimi en hann hefur ekki verið tilbúinn að stökkva á neitt. Hann hefur ekki ákveðið hvort hann ætlar að hætta en því lengur sem líður frá því að hann spilar því erfiðara verður að fara aftur út á völlinn, jafnvel þótt að hann haldi sér við á Íslandi,“ sagði Fredrik Risp, umboðsmaður Kolbeins.