Nei eða Já: Rifist um Maxey eða Hard­en, Nautin þurfa nýja stjörnu og hvað verður um Zion?

Þar spyr Kjartan Atli Kjartansson, þáttastjórnandi, ofvitana sem eru með honum í setti að spurningum er snúa að NBA-deildinni í körfubolta og þeir verða að svara játandi eða neitandi.

Tyrese Maxey er betri en James Harden?

Hörður Unnsteinsson fékk þann heiður að svara fyrstur.

„Hann er mikilvægari fyrir … þetta er leiðinlegt svar. Já!“

Uppskar svar Harðar mikil hlátrasköll hjá þeim Sigurði Orra Kristjánssyni og Tómasi Steindórssyni sem átt í raun ekki orð yfir svari Harðar. Gekk Tómas svo langt að hitamæla Hörð.

Þá tókst þeim að blanda hæsta fjalli heims, Everest, inn í umræðuna. Meira um það í spilaranum hér að neðan.

Chicago Bulls þarf risa leikmannaskipti eftir tímabilið?

Tómas er mikill unnandi Nautanna og fékk því að svara þessu.

„Ég væri alveg til í að sjá þá kanna markaðinn fyrir Zach Lavine, ef það er hægt að fá eitthvað fyrir hann. Könnum markaðinn fyrir Zach og Nikola Vučević. Ég vil halda hinum.“

„Eigum samt Lonzo Ball inni, ekki gleyma því,“ sagði Tómas ákveðinn og benti á Kjartan Atla.

New Orleans Pelicans á að halda Zion Williamson?

Svarið hans Sigurðar Orra við þeirri spurningu var einkar stutt og laggott.

Að lokum var spurt: Minnesota Timberwolves eru búnir með general-prufuna og tilbúnir á stóra sviðið?

Stórskemmtilegt spjall þeirra félaga má sjá hér að neðan en mönnum var nokkuð heitt í hamsi í þætti kvöldsins eins og sjá má hér í umræðunni varðandi Golden State Warriors.