Fótbolti

Pallborðið: HM-sæti undir í Portúgal

Ingvi Þór Sæmundsson skrifar
Vilhjálmur Kári Haraldsson og Katrín Ásbjörnsdóttir sátu til Pallborðs með Svövu Kristínu Grétarsdóttur.
Vilhjálmur Kári Haraldsson og Katrín Ásbjörnsdóttir sátu til Pallborðs með Svövu Kristínu Grétarsdóttur.

Íslenska kvennalandsliðið í fótbolta getur tryggt sér sæti á HM í fyrsta sinn með sigri á Portúgal í umspili í dag. Leikið er á Estádio da Mata Real í Pacos de Ferreira í Portúgal og hefst leikurinn klukkan 17:00.

Í tilefni af þessum stóra leik fékk Svava Kristín Grétarsdóttir til sín tvo góða gesti í Pallborðið á Vísi. 

Þetta eru Katrín Ásbjörnsdóttir, nítján landsleikja kona og leikmaður Stjörnunnar, og Vilhjálmur Kári Haraldsson, þjálfari Augnabliks og faðir landsliðskonunnar Karólínu Leu Vilhjálmsdóttur sem er reyndar fjarri góðu gamni vegna meiðsla. Einnig var rætt við Kolbein Tuma Daðason, fréttastjóra Vísis, sem er staddur úti í Pacos de Ferreira.

Klippa: Pallborðið - leikurinn við Portúgal

Pallborðið hófst klukkan 14:00 og sjá má útsendingu frá því í spilaranum hér fyrir ofan.

Sem fyrr sagði hefst leikur Portúgals og Íslands klukkan 17:00. Hægt verður að fylgjast með honum í beinni textalýsingu á Vísi.

HM 2023 í Ástralíu og Nýja-Sjálandi Landslið kvenna í fótbolta Pallborðið

Mest lesið


Fleiri fréttir

Sjá meira


×

Mest lesið