Ók á fólk á götum München

Fyrstu fregnir benda til þess að að minnsta kosti fimmtán séu særðir og að ein kona hafi látið lífið, samkvæmt Süddeutsche zeitung.

Í frétt Bild segir að bílinn sé af gerðinni Mini Cooper en honum mun hafa verið ekið á fólk sem var að taka þátt í mótmælum á vegum verkalýðsfélags starfsmanna í almenningssamgöngum.

Stór öryggisráðstefna fer fram í borginni um helgina, þar sem ráðamenn Vesturlanda munu meðal annars ræða innrás Rússa í Úkraínu og önnur öryggismál. Atvikið er sagt hafa átt sér stað tiltölulega skammt frá staðnum þar sem ráðstefnan verður haldin.

Í desember keyrði maður inn í hóp fólks á jólamarkaði í Magdeburg en þá létu sex lífið.

Fréttin verður uppfærð.