Var út­skrifaður og lifði með gervihjarta í yfir 100 daga

BiVACOR er uppfinning Dr. Daniel Timms og kemur algjörlega í staðinn fyrir venjulegt hjarta. Notast er við segla til að viðhalda blóðflæði um gervilíffærið.

Gervihjartað er enn í þróun og á rannsóknarstigi en er hugsað fyrir þá sem glíma við alvarlega hjartabilun í kjölfar hjartaáfalls, kransæðasjúkdóms eða sykursýki týpu 1, svo eitthvað sé nefnt. 

Lækningatækið var þróað með fjárhagsaðstoð frá stjórnvöldum í Ástralíu, sem segja 23 milljónir manna þjást af hjartabilun á hverju ári, á meðan aðeins 6.000 gangast undir hjartaígræðslu.

Gervihjartað var grætt í fimm einstaklinga í Bandaríkjunum í fyrra en lengsti tíminn sem leið áður en þeir fengu gjafahjarta var 27 dagar. 

Ástralski maðurinn sem var með gervihjartað í yfir 100 daga var hins vegar útskrifaður og gekk með varahlutinn í mánuð utan spítalans áður en hann fékk gjafahjarta. Hann er á fimmtugsaldri.

Vonir standa til að einhvern tímann í framtíðinni muni gervihjartað koma í staðinn fyrir gjafahjörtu.

Guardian greindi frá.