Fótbolti

„Draumar rætast“

Runólfur Trausti Þórhallsson skrifar
Kvaratskhelia skorar fjórða markið með afgreiðslu á nærstöngina.
Kvaratskhelia skorar fjórða markið með afgreiðslu á nærstöngina. EPA-EFE/FRIEDEMANN VOGEL

Khvicha Kvaratskhelia, einn af markaskorurum París Saint-Germain í ótrúlegum 5-0 sigri á Inter Milan í úrslitum Meistaradeildar Evrópu, var heldur stuttorður er hann ræddi við fjölmiðla eftir leik.

Kvaratskhelia – sem skoraði fjórða mark kvöldsins - gekk í raðir PSG í janúar frá Napoli sem stóð uppi sem Ítalíumeistari. Vængmaðurinn öflugi er því Evrópu-, Frakklands og Ítalíumeistari ásamt því sem hann vann franska bikarinn með PSG.

„Ég trúi því ekki enn að ég sigur Meistaradeildarsigurvegari. Draumar rætast. Ég get ekki lýst þessu, þetta eru ótrúlegar tilfinningar.“

Hann er aðeins annar leikmaður í sögu Georgíu sem stendur uppi sem sigurvegari Meistaradeildar Evrópu. Hinn er Kakha Kaladze, núverandi borgarstjóri Tbilisi, höfuðborgar Georgíu. Hann var hluti af liði AC Milan sem vann Meistaradeildina vorin 2003 og 2007.

„Ég er svo stoltur að ég er frá Georgíu,“ sagði Georgíumaðurinn að endingu.

Fótbolti Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið