Vita ekki hvar leik­maður þeirra er

Mehdi Taremi fór ásamt fjölskyldu sinni heim í frí til Írans. Hann hefur verið leikmaður Inter síðan síðasta sumar.

Það var þegar komið fram að hann væri fastur í Íran og myndi því missa af heimsmeistarakeppni félagsliða með ítalska liðinu.

Eftir að leikmaðurinn fór til Íran hófst stríða á milli Ísraels og Írans sem hefur nú staðið í næstum því heila viku.

Nýjustu fréttirnar eru að Inter menn vita ekki hvar leikmaðurinn er niðurkominn.

Ísraelar hafa sprengt upp íbúðahverfi í Teheren þar sem almennir borgarar hafa farist.

Það er erfitt að ná sambandi við Íran vegna allrar óreiðunnar sem þar ríkir enda hafa Ísraelsmenn sprengt upp innviði í landinu sem hægja á öllu upplýsingaflæði.

Forráðamenn Internazionale vona það besta en óttast það versta.

Mehdi Taremi er 32 ára gamalla framherji. Hann kom til liðsins frá Porto þar sem hann skoraði 64 mörk í 122 leikjum frá 2020 til 2024. Hann hefur skorað 55 mörk í 94 landsleikjum fyrir Íran.

Taremi skoraði þó bara eitt mark í 26 deildarleikjum á fyrsta tímabili sínu með Inter en skoraði líka eitt mark í Meistaradeildinni.