Grinda­vík sigur­sæl er­lendis

Í ár voru yfir 6000 verkefni send inn á hátíðina og þættirnir unnu í flokknum Best Series - Pilot.

Garðar Örn Arnarson og Sigurður Már Davíðsson eru mennirnir á bak við þættina sem er heimildaþáttaröð í sex hlutum. Í þáttunum er íbúum Grindavíkur fylgt eftir í heilt ár eftir að hörmulegar náttúruhamfarir leiða til þess að bæjarbúum er gert að flýja heimili sín. 

Blaðamaður ræddi við Garðar Örn sem segir teymið í skýjunum með viðtökurnar. 

„Það er mikill heiður fyrir okkur að vinna til verðlauna erlendis. Þættirnir eru á Íslensku og því magnað að dómnefndir erlendis séu að veita okkur verðlaun þrátt fyrir tungumálið.

Við Sigurður Már vorum viðstaddir þarna í Cannes ásamt tveim vinum mínum sem komu með okkur út. Þetta kom okkur vel á óvart þegar Grindavík var tilkynnt sem sigurvegari á sviðinu. Virkilega gaman en kemur manni alltaf jafn mikið á óvart að fá þennan heiður fyrir verkefni á íslensku svona á erlendri grundu.“

Grindavík þættirnir hafa sömuleiðis unnið til verðlauna á þremur öðrum hátíðum. Á Liverpool Indie Awards hlutu þeir verðlaun fyrir besta karlkyns leikstjórann, á World Film Festival í Cannes unnu þeir fyrir besta vef/sjónvarps pilotinn og voru valdir besta sjónvarpsserían á Red Movie Awards. 

„Nú bíðum við bara spenntir eftir því hvort að við komumst inn á fleiri hátíðir. Við erum búnir að senda inn á þó nokkrar hátíðir erlendis sem við ættum að fá svör við hvort við séum inni eða úti undir lok sumars. Þannig það er bara tilhlökkun framundan eftir því,“ segir Garðar jákvæður og brosandi að lokum.