Wales - Holland 0-3 | Holland númeri of stórt fyrir Wales

Leikmenn Wales geta þó tekið eitt og annað jákvætt út úr þessum leik, þá sérstaklega frammistöðuna í fyrri hálfleik. Vörnin var vel skipulögð í 45 mínútur en þá greip markahrókurinn Vivianne Miedema til sinna ráða og sendi Hollendinga inn í hálfleik með 0-1 forystu. Þetta var 100. mark Miedema fyrir Holland í aðeins 100 leikjum og er hún í hópi yngstu leikmanna sem hafa náð að rjúfa 100 marka múrinn.

Þær Victoria Pelova og Esmee Brugts bættu svo við sínu markinu hvor í seinni hálfleik og 0-3 tap staðreynd í þessum fyrsta leik Wales á stórmóti. 

Liðin leika í D-riðli á mótinu áamt England og Frakklandi, en leikur þeirra liða hefst núna klukkan 19:00.