Allir trúa á brons í Herning

Íslenskir stuðningsmenn halda hópinn í risastóru Fan Zone og fer betur um þá en síðast enda ekki jafn mikið af Dönum mættir og síðast. Það er samt ótrúlegur fjöldi heimamanna sem var mættur sex tímum fyrir úrslitaleikinn.

Einar Þorvarðarson, fyrrum landsliðskempa og framkvæmdastjóri HSÍ, er afar bjartsýnn fyrir leikinn og hann trúir því sömuleiðis að sinn gamli félagi, Alfreð Gíslason, vinni gull með Þjóðverjum á eftir.

Við heyrðum einnig í Sonju Steinarsdóttur hjá Sérsveitinni en sú frábæra stuðsveit ætlar sér að taka yfir Boxen á eftir þó svo ekki megi vera með trommur á svæðinu.