Messi eyddi kvöldinu með Trump

Flórídaliðið var statt í Washington D.C. í tilefni af því að fagna sigrinum í MLS-bikarnum í fyrra þar sem félagið tryggði sér bandaríska meistaratitilinn í fyrsta sinn.

Inter Miami ákvað að heimsækja Hvíta húsið tveimur dögum fyrir útileik sinn gegn DC United í höfuðborginni.

Miami átti einnig tækifæri til að koma í Hvíta húsið þegar Joe Biden var forseti en hafnaði því vegna tímaskorts. Nú var hann hins vegar tilbúinn að eyða kvöldinu með Trump.

Bandaríkjaforseti ræddi meðal annars um stríðið í Mið-Austurlöndum á meðan Inter Miami-liðið stóð fyrir aftan hann. Ástandið í Venesúela og á Kúbu bar einnig á góma hjá forsetanum.

Því næst fór hann að tala um fótbolta og Pelé. Brasilíska goðsögnin spilaði á sínum tíma fyrir New York Cosmos. Það fékk Trump að sjá af návígi þegar hann var á þrítugsaldri.

„Hann er sá besti frá upphafi. Hver er betri? spurði hann og benti á Messi,“ sagði Trump.

Hann sparaði ekki stóru orðin í lofgjörð sinni til Inter Miami.

„Það er sannarlega stórkostlegt sem þeir hafa gert,“ sagði Trump.

Forsetinn hefur áður fengið gagnrýni í tengslum við fótboltaheiminn. Þegar leikmenn Juventus voru í heimsókn notaði hann tækifærið til að tala um stjórnmál og Íran.