Eldur í vinnu­vél á Álfs­nesi

Grétar Stefánsson aðalvarðstjóri hjá lögreglunni á höfuðborgarsvæðinu segir að eldurinn hafi komið upp í vinnuvél á Álfsnessvæðinu. Tilkynning barst upp úr hálf eitt.

Pálmi Hlöðversson vaktstjóri hjá slökkviliðinu á höfuðborgarsvæðinu segir að slökkvistörf gangi vel. Verið sé að slökkva í glæðum og klára frágang. Hann segir eldurinn ekki hafa náð að breiða úr sér.

„Það eru alls konar haugar þarna í kring en þetta virðist hafa sloppið.“

Samkvæmt upplýsingum frá Gunnari Dofra Ólafssyni, samskiptastjóra Sorpu, er um að ræða eld sem kom upp í timburhakkara á athafnasvæði Sorpu. 

Fréttin hefur verið uppfærð.