Dumfries skrifar undir hjá Real Madrid

Forseti Real Madrid, Florentino Perez, er búinn að vera í kosningabaráttu innan félagsins. Þegar á henni stóð nefndi hann tvo leikmenn og þjálfara sem hann ætlaði að fá til liðsins. Eftir að Perez var endurkjörinn sem forseti félagsins er búist við að samningar sem hann var að auglýsa renni í höfn.

Bakvörður Inter Milan, Denzel Dumfries, var einn af leikmönnum sem hann nefndi að hann myndi kaupa og samkvæmt félagskiptafréttamanninum Fabrizio Romano er Dumfries búinn að skrifa undir samning.

Dumfries gekk til liðs við Inter Milan árið 2021 og hefur orðið ítalskur meistari þrisvar með félaginu auk þess hefur hann unnið ítalska bikarinn tvisvar. Hann er 30 ára gamall og er hugsað að hann komi í stað Carvajal í vörn Real Madrid en hann er á förum frá félaginu.

Með Perez sem forseta má búast við að Ibrahima Konate verði tilkynntur sem leikmaður félagsins bráðum ásamt Jose Mourinho sem þjálfara félagsins.

Dumfries er nú staddur með hollenska landsliðinu sem á sinn fyrsta leik á HM gegn Japan á sunnudaginn.