Valsmenn leiða í hálfleik

Valur leiðir 1-0 gegn Fylki þegar flautað hefur verið til hálfleiks í undanúrslitaleik liðanna í VISA bikar karla í knattspyrnu. Garðar Gunnlaugsson skoraði markið á 3. mínútu en leikurinn sem fer fram á Laugardalsvelli hófst kl. 19:40. Valsmenn hafa verið ögn sterkari í fyrri hálfleik og verið skynsamari. Björgólfur Takefusa tók fasta aukaspyrnu á 26. mínútu rétt fyrir utan teiginn sem hafnaði í stönginni en það var besta færi Fylkismanna í fyrri hálfleik. Björgólfur fékk svo gult spjald fyrir leikaraskap á lokamínútu hálfleiksins.