Miður sín eftir jól án iPad

Jólin eru hátíð ljóss og friðar. Á hinum helga tíma er það jólaandinn, skreytingar, gjafirnar, fríið og samveran sem við þá nánustu sem skiptir mestu máli. En þó ekki fyrir alla. Vefurinn Gizmodo hefur tekið saman twitterummæli frá hinum vanþakklátu, sem bölva sínum nánustu í sand og ösku fyrir að hafa ekki valið réttu gjöfina handa sér. Og rétta gjöfin var auðvitað iPhone.

Samkvæmt niðurstöðum vefjarins kvarta flestir umræddir yfir því að hafa alls ekki fengið iPhone eða IPad, nokkrir kvarta yfir þvi að hafa ekki fengið hann í réttum lit og sumir vildu alls ekki fá iPod.

Gripum niður í nokkur ummælin:

„Ég fékk ekki iPhone, ég hata jólin og er í alvörunni bálreiður".

„Til fjandans með jólin, bróðir minn fékk iPhone og ég fékk kort af Maryland".

„Enginn iPhone, ég hata pabba".

Smellið á myndina hér til hliðar til að stækka hana og lesið ummælin.