Bein útsending: SpaceX sendir Bangabandhu út í geim

SpaceX mun reyna að skjóta Bangabandhu gervitungli á loft frá Nasa Kennedy Space Center í Flórída í kvöld.

Gert er ráð fyrir því að geimskotið hefjist um klukkan 20:14 að íslenskum tíma. Takist ekki að skjóta gervitunglinu á loft verður gerð önnur tilraun annað kvöld klukkan 20:15.

Gervitunglið verður það fyrsta sem mun nýta sér Falcon 9 Block 5, nýjustu uppfærslu Falcon 9 eldflaugarinnar.

Beina útsendingu frá skotinu má sjá hér að neðan. Útsendingin hefst um fimmtán mínútum fyrir flugtak.