Rúm­lega 100 þúsund skráð dauðs­föll af völdum Co­vid-19 í Evrópu

Skráðum dauðsföllum af völdum Covid-19 í Evrópu eru nú rúmlega 100 þúsund.

AFP segir frá því að fjöldinn hafi farið yfir 100 þúsund í gær, en nærri tveir þriðju af skráðum dauðsföllum vegna sjúkdómsins í heiminum hafa verið í Evrópu.

Samkvæmt upplýsingum frá Johns Hopkins háskóli í Bandaríkjunum, sem haldið hefur utan um fjölda smita og dauðsfalla í heiminum, hefur nærri fjórðungur skráðra dauðsfalla á heimsvísu verið í Bandaríkjunum, eða um 38 þúsund af þeim rúmlega 157 þúsund sem hafa verið skráð.

Rúmlega 4,5 milljarðar manna, rúmlega helmingur mannkyns, búa nú við ýmsar takmarkanir sem yfirvöld hafa sett þeim, í tilgangi að hefta útbreiðslu kórónuveirunnar.

Á Íslandi eru níu dauðsföll rakin til Covid-19, en smitin telja nú 1.760. Greint var frá því í gær að smitum hafi fjölgað um sex milli sólarhringa.