Skotárás í skóla í Texas

Fréttin hefur verið uppfærð.

Árásarmaðurinn flúði af vettvangi en lögreglan segir að búið sé að tryggja öryggi á skólalóðinni.

Skotárásin er sögð hafa byrjað á slagsmálum tveggja manna sem hafi undið upp á sig og endað með því að byssa var dregin á loft.

Nú leitar lögreglan átján ára manns sem grunaður er um árásina.

Mikill viðbúnaður var við skólann í kjölfar þess að skothljóð ómuðu þar. Héraðsmiðilinn NBCDFW sagði foreldra barna í skólanum hafa fengið tilkynningu um skotárás þar. Í henni stóð að nemendur og kennarar hefðu læst sig inni í skólastofum sínum og skrifstofum.

Samkvæmt lögum í Texas má hver sem er bera skammbyssu, án þess að vera með byssuleyfi.

Þetta myndband er sagt hafa verið tekið í Timberview-skólanum. Vert er að taka fram að það er ekki staðfest enn.