Erlent

Trump yngri selur boli og gerir grín að Baldwin

Samúel Karl Ólason skrifar
Donald Trump yngri hefur farið fremstur þeirra sem hafa beitt sér gegn Baldwin og er hann meðal annars byrjaður að selja boli og peysur sem á stendur; „Byssur drepa ekki fólk. Alec Baldwin drepur fólk“.
Donald Trump yngri hefur farið fremstur þeirra sem hafa beitt sér gegn Baldwin og er hann meðal annars byrjaður að selja boli og peysur sem á stendur; „Byssur drepa ekki fólk. Alec Baldwin drepur fólk“.

Stjórnmálamenn á hægri væng Bandaríkjanna og bandamenn Donalds Trump, fyrrverandi forseta, hafa gagnrýnt og gert grín að leikaranum Alec Baldwin eftir að hann hleypti skoti af byssu á setti og varð þannig kvikmyndatökustjóranum Halynu Hutchins að bana. Donald Trump yngri, elsti sonur forsetans fyrrverandi seldi til að mynda boli þar sem grín var gert að dauða Hutchins.

Trump-liðar hafa lengi verið reiðir í garð Baldwins vegna gagnrýni hans í garð Trumps og fyrir það hvernig hann lék forsetann í Saturday Night Live.

Skömmu eftir dauða Hutchins var myllumerkið #AlecForPrison farið að sjást á Twitter, samkvæmt AP fréttaveitunni.

Enn liggur ekki að fullu fyrir hvað gerðist á tökustað myndarinnar Rust. Joel Souza, leikstjóri myndarinnar, segir Baldwin hafa verið að æfa atriði þar sem hann dregur byssu á loft og miðar henni að myndavélinni. Souza og Hutchins stóðu við myndavélina og þegar skot hljóp úr byssunni særðust þau bæði . Hutchins lést á sjúkrahúsi.

Lögregluþjónar segjast hafa fundið skot á tökustaðnum en hafa ekki tekið fram hvort þau hafi verið hefðbundin eða púðurskot. Eins og bent er á í frétt New York Times eru hefðbundin skot yfirleitt bönnuð á tökustöðum kvikmynda og þátta.

Fram hefur komið í dómsskjölum aðstoðarleikstjórinn Dave Halls rétti Baldwin byssuna og lýsti því yfir að hún væri tóm. Hannah Hutierrez-Reed, skotvopnasérfræðingur kvikmyndarinnar, hafði þar áður meðhöndlað byssurnar.

Souza segir að þau bæði eigi að ganga úr skugga um að byssur séu ekki hlaðnar á tökustað. Halls hafði áður verið rekinn úr framleiðsluteymi myndar eftir að skot hljóp óvænt úr byssu.

Sjá einnig: Hafði áður verið rekinn úr tökuliði vegna byssuskots á setti

Lögreglan stefnir á að halda blaðamannafund um rannsókn þeirra á dauða Hutchins á morgun.

Virðist hlakka í Trump-liðum

Íhaldsmaðurinn J.D. Vance, sem er í framboði fyrir annað af öldungadeildarþingsætum Ohio, kallaði eftir því að Trump yrði hleypt aftur á Twitter. Það væri mikil þörf fyrir tíst forsetans fyrrverandi um Alec Baldwin.

Trump yngri hefur þó farið manna fremstur í gríninu og gagnrýninni á Baldwin. Hann hefur til að mynda birt margar færslur um Baldwin á Instagram síðu sinni. Meðal annars birti hann til að mynda færslu á Instagram þar sem staðhæfir að ef hægri sinnaður maður hefði valdið dauða annars á svipaðan hátt væri leikarinn mjög hávær í gagnrýni sinni.

„Fjandinn hirði hann,“ skrifaði Trump yngri við mynd af föður hans gera byssu með fingrunum með textanum: „Donald Trump að æfa grínatriði þar sem hann leikur Alec Baldwin“.

Þá byrjaði hann nýverið að selja boli og peysur sem á stendur; „Byssur drepa ekki fólk Alec Baldwin drepur fólk“ á 28 dali.

Þingkonan Lauren Boebert birti mynd af gömlu tísti frá Baldwin þar sem hann velti vöngum yfir því að gera boli með textanum: Hendur mínar eru á lofti. Gerðu það ekki skjóta mig.“

Boebert „taggaði“ Baldwin og spurði hvort þessir bolir væru enn til. Sagðist hún vera að spyrja fyrir kvikmyndaframleiðanda.

Á formlegri Twittersíðu sinni gagnrýndi hún svo Baldwin fyrir að sýna nægilega nærgætni með skotvopn og fyrir það að vilja herða löggjöf um skotvopn í Bandaríkjunum.

Bandaríkin Hollywood Byssuskot Alecs Baldwin Donald Trump

Tengdar fréttir

Lést við að sinna hættulegasta starfi Hollywood

Tökustjórinn Halyna Hutchins lést er hún var að sinna hættulegasta starfi Hollywood þegar skot hljóp úr byssu leikarans Alec Baldwin, við tökur á kvikmyndinni Rust. Úttekt Deadline sýnir að kvikmyndatökumenn virðast í mestri hættu við störf sín í kvikmynda- og sjónvarpsþáttaframleiðslu.

Segir Baldwin hafa verið óhuggandi í margar klukkustundir

„Hann var móðursjúkur og gjörsamlega óhuggandi í marga klukkutíma. Allir vita að þetta var slys en hann er algjörlega eyðilagður.“ Þetta hefur People eftir ónefndum heimildarmanni um ástand leikarans Alec Baldwin, eftir að hann varð tökustjóra að bana við tökur á kvikmyndinni Rust í Santa Fe í Nýju-Mexíkó á föstudag.

Öll spjót beinast að að­stoðar­leik­stjóranum í máli Baldwin

Kvartað hafði verið undan Dave Halls, að­stoðar­leik­stjóra myndarinnar Rust, sem rétti Alec Baldwin byssuna sem hann skaut Halyna Hutchins kvik­mynda­stjóra til bana með, á öðru töku­setti árið 2019 fyrir að fara ekki eftir öryggis­reglum. Hann til­kynnti Baldwin að byssan væri ó­hlaðin þegar hann rétti honum hana.

Hinsta kveðja eigin­mannins: „Við söknum þín, Halyna!“

Matthew Hutchins, eiginmaður kvikmyndatökustjórans Halynu Hutchins, sem lést af völdum voðaskots við kvikmyndatökur á fimmtudag, birti fyrr í dag á Instagram hjartnæmar myndir af þeim hjónum og syni þeirra með kveðjunni „Við söknum þín Halyna!“.

Baldwin vissi ekki að skot væri í byssunni

Leikarinn Alec Baldwin vissi ekki að byssa sem aðstoðarleikstjóri kúrekamyndarinnar Rust rétti honum væri hlaðin skoti, annað hvort raunverulegu eða púðurskoti. Tökumenn og aðrir höfðu lagt niður störf nokkrum klukkustundum áður, að hluta til vegna skorts á öryggisráðstöfunum.

Mest lesið


Fleiri fréttir

Sjá meira


×

Mest lesið