Leiðtogi Al-Kaída drepinn í árás Bandaríkjamanna

Joe Biden Bandaríkjaforseti sagði í ávarpi í gær að réttlætinu hefði verið fullnægt en forsetinn er sagður hafa átt fundi um skipulag árásarinnar í maí, júní og júlí. Bandaríkjamenn höfðu þá fylgst með al-Zawahiri í nokkurn tíma og hafði hann ítrekað sést á svölum hússins sem ráðist var gegn. 

Árásin átti sér síðan stað á laugardag, þegar tveimur Hellfire eldflaugum var skotið á húsið. Embættismenn segjast þess fullvissir að aðeins al-Zawahiri hafi látist í árásinni.