Fótbolti

LeBron James, Billi­e Jean King og fleiri votta Grant Wahl virðingu sína

Runólfur Trausti Þórhallsson skrifar
Grant Wahl var 48 ára þegar hann lést.
Grant Wahl var 48 ára þegar hann lést. Richard Sellers/Getty Images

Fjöldinn allur af fólki hefur vottað Grant Wahl, bandaríska íþróttablaðamanninum sem lést í Katar, virðingu sína. Þar á meðal eru goðsagnir á borð við LeBron James og Billie Jean King.

Grant Wahl hneig niður á meðan leik Argentínu og Hollands stóð í 8-liða úrslitum HM sem nú fer fram í Katar. Wahl hafði komist í heimsfréttirnar þegar honum var meinaður aðgangur að leik Bandaríkjanna og Wales í riðlakeppninni þar sem hann var í stuttermabol með mynd af regnboga á.

Sjá einnig: Bandarískur blaðamaður lét lífið í Katar

Bróðir hans, Erik Wahl, segist vera ástæðan fyrir því að bróðir sinn mætti í regnbogabolnum en Erik er samkynhneigður. Hann telur að Grant hafi verið myrtur.

Það er ljóst að Grant Wahl snerti líf margra en fjöldinn allur af fólki hefur minnst hans og þess sem hann áorkaði á samfélagsmiðlum. Hér að neðan má sjá aðeins brot af þeim fjölda tísta sem hafa borist síðan fréttir af andláti Grants bárust.

Fótbolti HM 2022 í Katar Bandaríkin

Mest lesið


Fleiri fréttir

Sjá meira


×

Mest lesið