Fjórir ættliðir myrtir í smábæ í Kalíforníu

Tíu mánaða gamalt barn er á meðal hinna látnu, sextán ára gömul móðir þess, amma barnsins og langamma. Lögregla telur að eiturlyfjahringur hafi staðið að morðunum sem lýst er sem aftökum. Lögregla telur sig hafa vísbendingar um árásarmennina en þeir ganga þó lausir og hafa ekki verið nafngreindir.

Lögreglan segir suma úr fjölskyldunni hafa verið tengda glæpagengjum en alls ekki öll. Fundarlaunum hefur verið lofað til þeirra sem veitt geta upplýsingar sem leiða til handtöku mannanna. Sex létu lífið í árásinni eins og áður sagði og þrír komust lífs af.