Ætlaði sér að ráða Trump af dögum

Ryan South var handtekinn eftir leyniþjónustumenn sáu hann beina byssu innan úr runna á golfvelli Trump í Virginíu á sunnudag fyrir rúmri viku. Leyniþjónustumenn skutu á South sem tók til fótanna. Hann náði ekki að hleypa af byssu sinni. South á yfir höfði sér vopnalagabrot en hann gæti enn verið ákærður fyrir morðtilræði.

Saksóknarar lögðu fram frekari sönnunargögn gegn South sem gætu styrkt frekari ákærur fyrir dómi í dag. Á meðal þeirra var bréf sem South skildi eftir hjá vini sínum einhverjum mánuðum áður. Vinurinn opnaði bréfið ekki fyrr en eftir að South var handtekinn. Í því hafði South skrifað að hann ætlaði sér að drepa Trump.

„Kæri heimur, þetta var morðtilræði við Trump en ég brást þér. Ég reyndi mitt besta og gafa því allt sem ég gat,“ skrifaði South og hét þeim sem kláraði verkið fúlgum fjár.

Þá kom í ljós að South hélt handskrifaða skrá með dagsetningum og stöðum þar sem Trump ætti að koma fram, að sögn AP-fréttastofunnar.